the amateur

當然，傳媒報導的角度，書寫的語言，如何斷章取義，將會影響你對世事的理解。當然，你如何理解世事，還得待你自己用腦想想吧。

在 灣 仔 運 動 場 對 面 商 廈 上 班 的 Phyllis 則 說 ， 平 常 打 電 話 叫 外 賣 的 食 肆 昨 天 休 息 ， 上 司 又 勸 喻 避 免 出 外 吃 飯 ， 午 飯 時 間 只 好 與 同 事 一 起 吃 杯 。 她 工 作 的 地 方 可 遠 眺 灣 仔 海 旁 ， 下 午 曾 目 擊 南 韓 農 民 跳 海 示 威 ， 「 我 心 諗 ， 做 乜 搞 到 咁 大 件 事 。 」 不 過 ， 眼 見 辦 公 大 樓 外 有 大 批 警 察 駐 守 ， 又 覺 得 自 己 正 置 身 在 最 安 全 的 地 方 ， 「 今 日 唔 緊 張 ， 早 出 門 口 ， 隧 道 又 冇 塞 車 ， 返 工 輕 鬆 。 」(蘋果日報)

我不知道Phyllis這女子，身為OL，對示威者的訴求理解多少；也不知道，傳媒這樣報導，引用一句說話，到底能反映叫作Phyllis的這個女子多少的想法？但我可以肯定的是，我讀到這樣的句子，有多憤怒。「做乜搞到咁大件事。」我假設，如果我讀到的理解到的關於這句話的底蘊，正是被訪者的真正的心聲；請容許我大聲呼叫一眾無知如我的OL姊妹，可唔可以sophisticate少少，唔好問D咁既問題？無知係好撚大罪架，我們的精神領袖如是說。當你唔知唔明的時候，可唔可以用多少少腦？

例如，俾你種田種得好辛苦，點知收成後D米都係冇人買，一日賺得一蚊美金即係七個八港紙，連花園街D十蚊件既衫都買唔起，咁你點丫！D人買晒D八國聯軍既進口貨都唔幫襯你，因為世上有D所謂既自由貿易條約，人地將佢地既貨去你國家傾銷，你國家又因為所謂既自由貿易而俾人地來傾銷。於是你就冇錢，D米又冇人買。咁點解人地可以傾銷丫？因為人地D八國聯軍對自己既農民有農業補貼，於是佢地D米咪可以賤賣囉，你點都鬥唔過人地D米架喇。但等餓死之餘，你可以做咩丫？反對不公平既野囉，用所有你可以做既方法去爭取公平，表達你想點，跳落水游近D講你想講既野，有幾大件事?！你唔滿意你男友，你都會抽住佢同佢講啦。唔通坐係度望住佢佢就會收到？

我希望新聞中的女子想要表達的意思並非我所理解的意思，但我，真的希望各位姊妹明白，無知係好撚大罪既，以及，多多用腦，包括被記者訪問時。唔好淨係諗有冇車搭。以及，你都唔會去遊行，你又唔警察，而且示威者都唔會無端端打你，你驚咩唔安全?！